ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងថាដរាបណាគណបក្សប្រជាជនកម្ពុជានៅតែកាន់អំណាច កិត្តិយស និងការយកចិត្តទុកដាក់លើអតីតយុទ្ធជនគឺនៅតែរក្សាជូន។
សម្ដេចលើកឡើងបែបនេះនៅក្នុងខួបទី១៧ នៃទិវាយុទ្ធជនដែលរៀបចំឡើងនូវសាកលវិទ្យាល័យការពារជាតិព្រឹកថ្ងៃទី២៦ ខែមិថុនា ឆ្នាំ២០២៤។
សម្ដេចថា៖ «ខ្ញុំគាំទ្រការធ្វើអ្វីក៏ដោយដើម្បីជាប្រយោជន៍ទៅដល់អតីតយុទ្ធជនរបស់យើង»។
បច្ចុប្បន្នកម្ពុជាមានអតីតយុទ្ធជនប្រមាណជាង ១០ម៉ឺននាក់ និងអ្នកនៅក្នុងបន្ទុកជិត១៥ម៉ឺននាក់ កំពុងទទួលប្រាក់របបសន្តិសុខសង្គមប្រចាំខែ ពីរដ្ឋ ដែលប្រាក់របបនេះត្រូវបានកែសម្រួល ជាបន្តបន្ទាប់ ដោយផ្អែកតាមកំណើនសេដ្ឋកិច្ចជាតិ៕
